Cwestiynau Cyffredin

Rydym yn buddsoddi mewn canolfan hyfforddi a datblygu arloesol yn Llanelwy. Bydd Hwb Awen yn dod â safleoedd hyfforddi sydd wedi’u heneiddio ynghyd i un ganolfan fodern mewn lleoliad canolog. Bydd hyn yn helpu i gynyddu ein gallu ar gyfer hyfforddiant arbenigol, aml-asiantaeth a gweithredol.

Bydd y cyfleuster pwrpasol hwn yn siapio sut rydym yn hyfforddi, gweithio a diogelu cymunedau am ddegawdau i ddod. Bydd yn sbardun ar gyfer cydweithredu, datblygiad cynhwysol, a rhagoriaeth mewn diogelwch cyhoeddus. Bydd Hwb Awen yn ein cefnogi i ddod yn sefydliad blaengar, ystwyth a gwydn sy'n barod ar gyfer heriau yfory.

Mae risg gynyddol na fydd ein cyfleusterau presennol bellach yn bodloni'r raddfa, realaeth neu safonau sydd eu hangen i wneud y gwasanaeth yn addas ar gyfer y dyfodol. Os nad ydym yn gweithredu nawr, byddwn yn wynebu perygl o ansawdd hyfforddi is a bod yn llai parod i amddiffyn y cyhoedd. Rydym eisoes wedi profi problemau gyda Dolgellau fel cyfleuster hyfforddi oherwydd llifogydd ac oherwydd nad yw'r capasiti preswyl yn ddigonol ar gyfer ein hanghenion.

Bydd Hwb Awen yn:

• Helpu ni i hyfforddi staff i gwrdd â risgiau presennol a risgiau yn y dyfodol
• Disodli safleoedd hyfforddi sy'n heneiddio a gwella dibynadwyedd hirdymor
• Darparu amgylchedd modern sy'n cefnogi pobl a lles
• Gwella cydweithredu â phartneriaid a chymunedau
• Darparu hyfforddiant yn fwy effeithlon a chyson
• Lleihau dyblygu a chreu effeithlonrwydd ar draws y Gwasanaeth

Mae'n fwy nag adeilad, mae'n gyfle euraidd i fuddsoddi yn ein pobl, ein perfformiad, ac ymddiriedaeth y cyhoedd.

Ar ôl dylunio manwl a chwmpasu, mae'r gost adeiladu bellach yn £49.95m.

Bydd cyllid mewnol yn cael ei ddefnyddio hyd at y cam adeiladu. Bydd y Gwasanaeth yn ceisio cyllid allanol y tu allan i'r Awdurdod Tân ar gyfer y costau sy'n weddill. Cyflwynir achos cyllido llawn yn yr Achos Busnes Amlinellol. Os na ellir sicrhau hwn, bydd yr opsiynau cyllido yn cael eu hailystyried fel rhan o'r Achos Busnes Llawn.

Mae Llanelwy yn cynnig mynediad rhanbarthol canolog, cysylltiadau trafnidiaeth gryf, tir datblygu addas, ac aliniad gweithredol â gwasanaethau partner, gan ei wneud y lleoliad mwyaf strategol. Fe wnaethom gyflogi ymgynghorwyr allanol i ddadansoddi amseroedd teithio i wahanol safleoedd posibl ledled Gogledd Cymru.

Dangosodd y dadansoddiad mai Llanelwy oedd y lleoliad mwyaf hygyrch o ran amser teithio ar gyfer y rhan fwyaf o'r rhanbarth. Gall 72% o’r offer gyrraedd ardal mewn 50 munud. Roedd hwn yn ffactor allwedol wrth nodir Llanelwy fel y lleolaid ffafrif ar gyfer y ganolfan hyfforddi a datblygu newydd.

Bydd Hwb Awen yn galluogi senarios hyfforddi realistig, gwerth uchel ac efelychu modern, gan greu gallu ar gyfer disgyblaethau arbenigol fel deunyddiau peryglus, ymateb i wrthdrawiadau traffig ffyrdd, a hyfforddiant cyfarpar anadlu. Bydd hyn yn cynyddu cymhwysedd diffoddwyr tân, yn cefnogi hyfforddiant partner, ac yn gwella parodrwydd. Yn y tymor hir, bydd y ganolfan yn cryfhau diogelwch diffoddwyr tân ac yn gwella canlyniadau ymateb brys i'r cyhoedd.

• 2023 - Gorff 2024: Arfarniad Ymchwil ac Opsiynau-  Asesu anghenion hyfforddi'r dyfodol, nodi bylchau, ac archwilio cyfleoedd moderneiddio.
• Hydref 2023 – Gorff 2024: Prynu Tir- Cymeradwyodd a sicrhaodd yr Awdurdod Tân safle ar gyfer y cyfleuster newydd.
• Ebrill – Hydref 2024: Achos Busnes Strategol a Chyllid- Paratoi achos busnes cychwynnol; cyllid dros dro wedi'i gymeradwyo ar gyfer buddsoddiad hirdymor.
• O Dachwedd 2024: Mobileiddio a Gwaith Safle Cynnar - Paratoi safle, ffensys, gwaith ecolegol, a thrwyddedau amgylcheddol wedi'u caniatáu.
• O fis Mai 2025: Dylunio a Datblygu- Penodwyd Perfect Circle yn Brif Ddylunydd; cynlluniau manwl a ddatblygwyd gyda mewnbwn budd-deiliaid.
•  Medi – Rhagfyr 2025: Caffael ac Ymgysylltu â Staff- Caffael Contractwyr; achos busnes amlinellol a gyflwynwyd ar gyfer cyllid allanol; ymgysylltu â staff yn parhau.
•  Dechrau 2026: Ymgynghoriad a Gwaith Safle- Ymgynghoriadau cyhoeddus a budd-deiliaid. Bydd lliniaru ecolegol a gwaith safle yn parhau.
•  Canol 2026 – Chwefror 2027: Proses Gynllunio- Ymgynghoriad cyn-gynllunio (Gorffennaf–Awst); cyflwynwyd cais cynllunio (Hydref); caniatâd wedi'i dargedu ar gyfer Chwefror 2027.
• Mehefin 2027 – 2029: Adeiladu ac Agor- Adeiladu cyfleuster, gosod seilwaith hyfforddi arbenigol, gosod a thirlunio cwblhau, systemau comisiynu.

Bydd y prosiect yn darparu budd sylweddol i'r cyhoedd trwy wella gallu ymateb brys a diogelwch diffoddwyr tân. Bydd hefyd yn cefnogi datblygu sgiliau, gwytnwch y gweithlu, a thwf economaidd rhanbarthol.

Unwaith y bydd ar waith, bydd Hwb Awen hefyd yn cynnig gwell realaeth a chyfleusterau arbenigol i gynyddu cymhwysedd a chefnogi hyfforddiant partneriaid, gan gryfhau parodrwydd gweithredol hirdymor.

Bydd y prosiect yn cydymffurfio'n llawn â rheoliadau amgylcheddol a chyfrifoldebau dyletswydd gofal. Mae mesurau lliniaru ecolegol eisoes ar waith, ac mae trwyddedau amgylcheddol wedi'u rhoi i sicrhau diogelu bywyd gwyllt yn ystod gwaith safle.

Bydd Hwb Awen yn cwrdd â disgwyliadau cynaliadwyedd Cymru a'r DU ac yn cyd-fynd ag ymrwymiadau Sero Net. Bydd cydymffurfiaeth â gofynion statudol yn cael ei ddangos trwy gydol y prosiect.

Rydym yn ceisio am gyllid cyfalaf gan Lywodraeth Cymru ar gyfer Hwb Awen. Ni ellir defnyddio cyllid cyfalaf ar gyfer costau cyflog, recriwtio neu staffio o ddydd i ddydd.  Mae cost staff yn cael eu hariannu ar wahân drwy ein cyllideb weithredol, sy'n parhau i gefnogi darpariaeth brys ledled Gogledd Cymru. 
Bydd Hwb Awen yn cynyddu ein gallu i hyfforddi a recriwtio drwy ddarparu cyfleusterau modern, addas i'n hanghenion. Heb gyfleusterau hyfforddi priodol, ni allwn hyfforddi ein diffoddwyr tân yn y lle cyntaf.
 

Cafodd yr enw 'Hwb Awen' ei roi ar y rhestr fer o awgrymiadau staff a'i ddewis drwy bleidlais staff.

• Mae Hwb yn cynrychioli lle canolog o egni a chysylltiad
• Mae Awen yn symbol o ysbrydoliaeth, creadigrwydd a thrawsnewid

Gyda'i gilydd, maent yn adlewyrchu lle mae pobl yn dysgu, tyfu, ac yn cael eu hysbrydoli i ddarparu'r gwasanaeth gorau posibl i'r cyhoedd.